اخــــــــــــــــــــــــــوي الصغير!!!

السلام عليكمـ هذي بعض مواقفي مع أخوي الصغير

^أمي و أبوي مسافرين و اخوي متحمس ينام بقوووه جات الساعه2 بالليل و صار ينط على السرير من الحماس للنووم (من يوم صحي العصر يسألني متى ننام و أنـّا اقوله بعدين )قلت له البس الحفاظ على أساس إنّ اختي بتلبسه بس أتأخرت قلت ألعب عليه صار يطالعني بعدين قال ^ما اعلف^بعدين هجّ ما يبي يلبسها و لا يبي ينام ؟؟من حماسه الزايد

^كشخت على آخر شي و رحت سألته وش رايك؟قالي ^جين جين=زين زين(حسيت إنّي اكلم واحد هندي )

^مرّه جاء لعندي سدحته في حضني اتكلم معه لأنّه بيبكي و يصرخ شفته يآكل أظافره و خاصمته بعدين شفت شيء بين أسنانه اللي قدام طلع قطعه صغيره من أظافره خرجتها بعد عنـــــــــاء طويل و سألته من متى موجوده؟؟عاد هو رفع اصابعه كلها و قال^هازا يوم=هذا يوم(قلت لكم هندي)

^مرّه كنت العب معه كره بس أنّا و هو (كره كبيره)يشوتها و أنّا جالسه اردها له بعدين وقفت و قلت اشوتها بوجهك قالي لا قلت له خلاص بشوتها بالجدار و شتها و قبل توصل الكره له حطيت يدي على راسي و صرخت لالالالا و جاااااات بجبهته اللي كأنّها مطار من كبرها*قولوا ما شاء الله*مو قصدي اشوتها عليه بس حظه نحس و حقد عليّ 5 شهور على صغره بس ما نسيها لي إلا بعد فتره و أكلت تهزيئه من أمي و هو زاعلني و لا يكلمني و كل مرّه اراضيه و اقوله آسفه يعطيني أشـــكل

^مرّه جاء عندي يبي يلعب على اللاب بس أنّا رفضت و صرخت عليه جاب مويه و رش شويّ علي كنت عند سوني 3 حق أخوي و أخوي هذا ما يهمه شيء إلا بلاي ستيشن 3 و اللاب حقّه بس!!وصلت المويه ليد السوني و أنّا مثلت إنّي خايفه و اكلمه ياويلك من فلان ياويلك شوف وش سويت وهو يقول لا لاو ليش و أنّا اقوله إلا ياويلك بعلمه عليك و ياويلك ما بيخليك تلعب سيارات(ميد نايت كلوب3)قام يبكي و يقول آحل مله لاتعلميه قلت له بشرط إنّك تخليني على اللاب و تروح عند أمك و لا أشوفك وهو ما صدق خبر طار عند أمي وصرت اهدده كل مره ما يسمع كلامي<اكيد بتستغربون ليش اتعامل معه كذا بس أخوي البزر يمشي كلمته على الكل لأنّه القعده و المثل يقول *آخر العنقود سكر معقود*

^مرّه دخل الحمام"و انتو بكرامه"و الباب مفتوح صار يغني بصوت عالي بليــــــله بلبلوووكي(حقّ ابو غالب بمسلسل باب الحاره تعوّد يسمعها و يغنيها)بليـــــــله بلبلووووكي وبالليل سرؤووكي بس هذا المقطع اللي هو يعرفه أمّا صوته يطيح الطير من السما^العصريه يتفرج على باب الحارة مع أمي

^مرّه كنّا طالعين و حاولت استشور شعره(شعره ناعم بس ملفلف على بعضه)و احرقه الاستشوار صار يبكي بس أنّا ما فكيته إلا استشور شعره و عصب و مسك الاستشوار بقوه و ضربه بالجدار <مسكين الاستشوار الجديد انكسر طرف القطعه و جبنا بدالها قطعة غيار جديده

^أول مرّه أبوي اشترى له فرشه و معجون اسنان خلاص صار كل ما ياكل أو يشرب شيء يفرش اسنانه طلع ياكل المعجون لأنّ طعمه حلو"معجون الأطفال"لين خلص المعجون و صار ما يقرب الفرشه ابد

^أختي الكبيره متزوجه كل مرّه تجي عندنا تضارب معه و يعصب و يبكي و يقول انقلعي عند زوجك احنا ما نحبك انقلعي وهي بس تبي تطفشه و تقول أنّا ببيت ابوي انت انقلع و يقول انت بيتك عند زوجك هذا بيت ابوي أنّا و يبكي و يجيب عبايتها و يرميها عليها عشان تروح و لمّا بتروح يبكي يقول نامي عندنا و هي تسوي نفسها زعلانه انت ما تحبني و تقول انقلعي عند زوجك عاد هو يتراجع لا احنا نحب و زوجك ما نحبه بس في الأخير تطنشه وتروح مع زوجها<نذله

^^^^^على كثر ما يطفشني بصياحه و عصبيته الزايده اللي بعمره مو عصبيين مثله؟!! بس يجنني بكلامه و حركاته و لمّا يسولف حتّى إنّه ما ينام إلا إذا كان حاضن يدي أو يد أمي و بعد و هو نايم إذا ما حس بيدي يدور عليها وهو ناااااايم و يحب الكره بجنووووون و السيارات بالبلاي ستيشن خصوص شريط"ميد نايت كلوب3"و اسنانه غربيه انيابه بارزه من تحت و فوق كأنّه مصاص دماء بس حلوه و تعجبني و هذا المهم((قولوا ماشاء الله عليه))

اضف هذا الموضوع بملفك في الفيسبوك

{[ لا يستحق الحرية من ينكرها على الاخرين ]}2
اخــــــــــــــــــــــــــوي الصغير!!! Post_old

الأمس, 09:44 PM

<TABLE border=0 cellSpacing=6 cellPadding=0 width="100%">

<TR>
<td noWrap>آشَتْقـت لـْحـنَـآآنَكـ. اخــــــــــــــــــــــــــوي الصغير!!! User_offline

اخــــــــــــــــــــــــــوي الصغير!!! User_offline

©؛°¨غرامي مشارك¨°؛©
</TD>
<td width="100%"> </TD></TR></TABLE>

اخــــــــــــــــــــــــــوي الصغير!!! Icon1

رد: أخـــــــــــويّ الصغيرღ

ههههههه
مآآشآآآء الله من جد اخر العنقود سكر معقوووود <<<<<مجربه خخخخخخخ

</TD></TR></TABLE>

اضف هذا الموضوع بملفك في الفيسبوك

» ميسي الصغير يحطم ارقام الكبار