موقف محرج صار لي بأيام المتوسط

لما كنت بالمتوسط أمي ولدت أخوي أيمن .. وثالث يوم من ولادتها



اضطرت تسوي عمليه .. وأنا تورطت بأخوي أيمن



صرت أنا أمه اللي تعتني فيه



وزياده عليه أطبخ لأهلي .. يعني بالمختصر المفيد !!



صرت ( أم صغيره )



وكنت 24 ساعه شايلته .. ماأنزله إلا إذا كان نايم



أو بروح المدرسه



لدرجة إنه لما كبر صار يناديني ( ماما ) << ياحلوها من فمه



المهم .. كنت أروح مع أبوي وقت الزياره عشان أمي ترضعه



وكنت بذاك الوقت قصيــــــــــــــــــــــ ــــــــره مره << من طولي ألحين



بس ماكنت أتغطى .. بس أتحجب لأني توني صغيره <<



يعني اللي يشوفني بيعرف إني صغيره



ولما دخلت المستشفى مع أبوي وشايله أخوي



كان فيه مجموعه من الصغار
الأغبياء
العميان
المجانين
الفاهين



اللي مايعرفون يناظرون مثل خلق الله
ومايدرون وين الله حاطهم



جالسين عند المدخل .. والفشيله إنه كان فيه رجال بعد



ولما شافوني شايله أخوي وأمشي مع أبوي



واحد فاهي من المبزره شهق شهقه كبيــــــــــــــــــــــ ره وقال !!!




زوجته صغيره




وأنا دوروني وماتلقوني من الفشيله



ووجهي أحمر أخضر أصفر



وأبوي وقف هزئهم .. وأنا في نفسي أقول



يارب نروح ألحين .. يارب نروح ألحين



<< وش أسوي طاح وجهي



وبعد الزياره وإحنا طالعين لقينا الأولاد باقي جالسين



وواحد منهم يقول شوفو شوفو



وأبوي وقف شوي أعطاهم نظرات



<< حقد عليهم



بعدين مشينا << أكيد أجل عشنا بالمستشفى




والله كل ماأذكر هالموقف يجيني ضحك جنوني




امممممم



ماأدري وش أقول بس حطيت صورتي وأنا شايله أخوي بهالموضوع



لأني أبيكم تحكمون إذا كان واضح إني صغيره ولاّ لا



لأن المبزره شككوني في نفسي



طبعاً صورتي وأنا بالمتوسط يعني توني صغيره



أتوقع عادي لو تشوفونها لأني متصوره وأنا متحجبه



وإذا كان ممنوع خلاص لاتنزلون .. اطلعو من الموضوع